İzahlı lüğət
YARIMMÜDAFİƏÇİ (ID - 42725)is. idm. İdman oyunlarında (futbol, xokkey və s.) komandanın müdafiə və hücumuna yardım edən oyunçusu.
|
YARIMMÜSTƏMLƏKƏ (ID - 42726)is. Zahirən müstəqil, iqtisadi və siyasi cəhətdən isə hər hansı bir imperialist dövlətdən asılı olan ölkə. // Sif. mənasında. Yarımmüstəmləkə ölkələr.
|
YARIMNƏFƏS (ID - 42727)sif. və zərf Həddən artıq yorğun (halda).
|
YARIMNÖV (ID - 42728)is. xüs. Heyvan və bitki sistematikasında növlərin bölgüsündən biri.
|
YARIMOX (ID - 42729)is. tex. Qismən ox şəklində olan cihaz və s.
|
YARIMORTA (ID - 42730)sif. idm. İdmançıların çəki dərəcələrindən biri.
|
YARIMOYAQ (ID - 42731)sif. Tam oyaq olmayan; yarıyuxulu. Yarımoyaq gözətçilər, dəri kürkdə arabir; Dükanların, bazarların qapısında gərnəşir. H.Hüseynzadə.
|
YARIMPALTO (ID - 42732)is. Qısa palto. [Kamalın] əynində ağır yarımpalto, ayaqlarında isə həddindən böyük bir kobud uzunboğaz çəkmə vardı. C.Cabbarlı.
|
YARIMPEŞMAN (ID - 42733)zərf Bir qədər peşman halda, çox da peşman olmayan. Pası arvad.. yarımpeşman bir tərzdə başını aşağı salaraq: - Ayaqyalın Safo ilə gümüşdəstə xəncər bir yerdə yola getmir. S.Rəhimov.
|
YARIMPƏRDƏ (ID - 42734)is. Qısa pərdə. Qız evində qıza cehiz üçün yarımpərdələr və taxçalara, noğuldanlara, buxarıya əlvan pərdələr tikəcəklər. R.Əfəndiyev.
|
YARIMPƏRT (ID - 42735)zərf Azacıq pərt, bir qədər pərtləşmiş halda. Yarımpərt getdi.
|
YARIMPROLETAR (ID - 42736)is. Muzd ilə kapitalist müəssisəsində işləyən, lakin təsərrüfatı ilə də hələ əlaqəsini kəsməmiş, tamamilə proletarlaşmamış adam. // Sif. mənasında. Yarımproletar kəndlilər.
|
YARIMRÜTUBƏTLİ (ID - 42737)sif. Çox rütubətli olmayan, bir qədər rütubətli. Yarımrütubətli anbar.
|
YARIMSAİT (ID - 42738)sif. dilç. Başqa saitlə birlikdə bir heca əmələ gətirən sait (səs). Rus dilində “i” (H) yarımsaiti.
|
YARIMSAQQAL (ID - 42739)bax bakenbard.
|
YARIMSAVADLI (ID - 42740)sif. Lazımınca oxuyubyaza bilməyən, savadı olmayan; savadlı, kəmsavad. Yarımsavadlı kənd.
|
YARIMSƏHRA (ID - 42741)sif. Tamamilə bitkisiz deyil, kolluqları olan coğrafi zona. Püstə meşələri qədim keçmişdə Azərbaycanın quru yarımsəhra rayonlarında daha geniş yayılmışdı. M.Qaşqay.
|
YARIMSƏRXOŞ (ID - 42742)bax yarımkefli. [Qonaqlar] tamamilə keflənməmişdilərsə də, yarımsərxoş bir halda bulunurdular. S.Hüseyn.
|
YARIMSƏRLÖVHƏ (ID - 42743)is. Birinci, əsas sərlövhənin altında olan əlavə, ikinci sərlövhə.
|
YARIMSTANSİYA (ID - 42744)is. 1. Kiçik dəmiryol stansiyası.
2. Mərkəzi elektrik stansiyasından gələn elektrik enerjisinin gərginliyini, cərəyanın növünü dəyişdirən və nizama salıb paylaşdıran texniki qurğular sistemi. |
YARIMŞALBAN (ID - 42745)is. Yarı bölünmüş şalban, şalbanın yarısı.
|
YARIMŞƏFFAF (ID - 42746)sif. Tamamilə şəffaf olmayan, bir qədər şəffaf. Yarımşəffaf şüşə. Yarımşəffaf parça. Yarımşəffaf duman.
|
YARIMTƏHSİL (ID - 42747)is. Tamamlanmamış təhsil, yarımçıq təhsil. [Əmiraslan ağa:] Bəs sənin istədiyin o idi ki, Cahangir ağa yarımtəhsildə qalsın? S.S.Axundov.
|
YARIMTƏMİZLƏNMİŞ (ID - 42748)f sif Qismən təmizlənmiş, bir qədər təmizlənmiş, tam təmizlənməmiş, qatışığı qalmış. Yarımtəmizlənmiş düyü.
|
YARIMTON (ID - 42749)is. 1. mus. İki qonşu səs arasında ən qısa interval, səsin ən az qalxması və ya enməsi.
2. rəss. Açıq ton ilə tutqun ton arasını təşkil edən aralıq rəng, boya. |
YARIMTONLUQ (ID - 42750)sif. Yarım ton (500 kiloqram) ağırlığında olan. Yarımtonluq yük. // Yarım ton tutan, yarım ton ağırlıq qaldıran. Yarımtonluq yük maşını. Yarımtonluq kran.
|
YARIMUÇUQ (ID - 42751)sif. Tamamilə uçulub dağılmamış, qismən uçulmuş. Yarımuçuq ev. Yarımuçuq divar.
|
YARIMUSTA (ID - 42752)is. dan. İxtisasa tam yiyələnməmiş, hələ tamamilə usta olmamış adam.
|
YARIMVƏHŞİ (ID - 42753)sif. Lazımınca mədəni olmamış, vəhşi kimi. Yarımvəhşi xalq.
|
YARIMYETİŞMİŞ (ID - 42754)bax yarıyetişmiş.
|
YARIMYUN (ID - 42755)sif. Yarısı yun və yarısı pambıqdan və ya süni iplikdən olan (toxunmuş). Yarımyun parça. Yarımyun jaket.
|
YARIMYUVARLAQ (ID - 42756)sif. Tam yuvarlaq olmayan, bir qədər yuvarlaq olan.
|
YARIMYÜNGÜL (ID - 42757)sif. idm. İdmançıların çəki dərəcələrindən biri. Yarımyüngül çəkili güləşçi.
|
YARIMZƏRİF (ID - 42758)sif. Tam zərif olmayan, bir az qaba olan. Yarımzərif yunlu qoyun cinsi.
|
YARIMZİRZƏMİ (ID - 42759)is. Evin qismən yer altında olan alt mərtəbəsi; zirzəmiyə oxşayan yer.
|
YARIN (ID - 42760)is. [türk.] kit. Sabah, gələcək gün. Bütün arzularım gülür yarına; Xəyaldan ilhamlar almamaq üçün. S.Vurğun. Mübarizə bu gün də var; yarın da; Mən də onun ən ön sıralarında. R.Rza. // Gələcək. Kim bilir, yarın bu pirin...
|
YARINMA (ID - 42761)“Yarınmaq”dan f.is.
|
YARINMAQ (ID - 42762)f 1. Yaltaqlıq etmək.
2. Özünü bəyəndirməyə çalışmaq. |
YARINTI (ID - 42763)is. Yarılan (çatlayan) yer; yarıq, çatlaq. [Toğrul:] Sədd yarıntı verər, suyun qabağını saxlamaq olmaz. C.Cabbarlı.
|
YARIOYAQ (ID - 42764)zərf Tamamilə yuxulu olmayan, yarıyuxululuq ilə oyaqlıq arasında. Yarıoyaq halda cavab verdi.
|
YARIOYAQLIQ (ID - 42765)is. Yuxululuq ilə oyaqlıq arasındakı hal.
|
YARIÖRTÜLÜ (ID - 42766)sif. Tamam örtülməmiş, bir hissəsi örtülü, axıra qədər örtülməmiş. Yarıörtülü baş. Yarıörtülü dam. Yarıörtülü pəncərə. Yarıörtülü sifət. Yarıörtülü gözlər.
|
YARIPARÇALANMIŞ (ID - 42767)sif. Tamam parçalanmamış, qismən parçalanmış.
|
YARIPEŞMAN (ID - 42768)bax yarıpeşman. Həsən kişi üzündə nə isə yarıpeşman bir ifadə ilə geri döndü. M.İbrahimov.
|
YARISƏRXOŞ (ID - 42769)bax yarımsərxoş. Gülnaz dəhlizdə yarısərxoş halda salondan çıxan ərbablarla üz-üzə gəldi. M.İbrahimov.
|
YARIŞ (ID - 42770)is. Bir işdə üstün gəlmək, birinciliyi qazanmaq üçün bir-birini keçməyə çalışma. Nəcəflə yarışda da söz yox ki, Qaraş çalışırdı qalib çıxsın. M.İbrahimov. // İdmanın hər hansı bir növü üzrə birinciliyi qazanmaq...
|
YARIŞÇI (ID - 42771)is. Yarışda iştirak edən, yarış iştirakçısı.
|
YARIŞMA (ID - 42772)“Yarışmaq”dan f.is.
|
YARIŞMAQ (ID - 42773)f Bir işdə birinciliyi qazanmağa, bir-birini ötməyə çalışmaq. işləməkdə yarışmaq. Qaçışda yarışmaq. - Uşaqlar da səs salaraq, iri və dolu salxım gəldikcə zənbilləri tez doldurur, sevinir və yarışırdılar. Mir Cəlal.
|
YARITMA (ID - 42774)“Yarıtmaq”dan f.is.
|
Bu səhifə dəfə baxılıb
Rus dili kursu
Tam məlumat...
Tibb bacısı kursu
Tam məlumat...
Rəsm kursu (kursda / online)
Tam məlumat...
......