İzahlı lüğət
BUDATMAQ (ID - 5109)icb. Budama işi gördürmək.
|
BUDAYICI (ID - 5110)is. Meyvə ağac və kollarının qurumuş budaqlarını kəsən adam. Manqanın bütün üzvləri budayıcıların seminarlarında iştirak etdilər.
|
BUDDİST (ID - 5111)Budda dininə mənsub olan adam.
|
BUDDİZM (ID - 5112)[xüs. is.-dən] Eramızdan qabaq VI əsrin axırında Şimali Hindistanda ortaya çıxıb, sonradan Tibetdə, Çində, Hind-Çində və başqa Şərq ölkələrində yayılmış din. Budda dini.
|
BUDKA (ID - 5113)[rus. будка] Qarovulçu, növbətçi, yaxud bir şey satmaq və s. üçün, adətən taxtadan qayrılan kiçik tikili. Qəzet budkası. Su budkası. Dəmiryol budkası. - Rüstəm uzaqdan Rza Qəhrəmanini görən kimi başını tərpətdi və heç...
|
BUDKAÇI (ID - 5114)is. və sif Budkada şey satan, budka satıcısı.
|
BÜFER (ID - 5115)[ing.] xüs. Dəmiryol vaqonlarında, avtomobillərdə və s.-də toqquşma zamanı zərbənin, təkanın gücünü azaltmaq üçün yaylı qurğu.
□□ Bufer dövlət - ərazisi, bir-biri ilə rəqabət edən böyük dövlətlər arasında olan... |
BUFET (ID - 5116)[fr.] 1. İçində qab-qacaq, yemək, içki və s. saxlanılan böyük şkaf.
2. Aşxanalarda, restoranlarda və s.-də qəlyanaltı və içki satmaq üçün stol, yaxud piştaxta, həmçinin kiçik aşxana. Dəmiryol bufeti. Teatr bufeti. - Stansiyanın... |
BUFETÇİ (ID - 5117)is. 1. Bufetdə (2-ci mənada) xidmət edən işçi.
2. köhn. Bufet (2-ci mənada) sahibi. |
BUFETÇİLİK (ID - 5118)is. 1. Bufetçinin işi, sənəti.
2. köhn. Bufet saxlama. |
BUGÜNKÜ (ID - 5119)s. Bu gün olan, bu gün baş verən. Bugünkü söz sabahkı sözün körpüsüdür.
|
BUĞ (ID - 5120)is. Su və ya başqa bir maye bərk qızdırıldığı zaman hasil olan damcı zərrələrindən ibarət qaz, ya duman; buxar. Qazandan buğ çıxır. - Qara sapılcanın tortalı köpüyündən acı buğ qalxırdı. S.Rəhimov.
// Mayedən, yaxud... |
BUĞA (ID - 5121)is. Hələ burulmamış və işə qoşulmamış döllük heyvan (qaramal); kələ. Buğa seçdikdə onun yaxşı cinsdən olması, yaxşı nəsil verməsi və i.a. tələb olunur.
|
BUĞACA (ID - 5122)is. Kiçik buğa.
|
BUĞALANMA (ID - 5123)“Buğalanmaq”dan f.is.
|
BUĞALANMAQ (ID - 5124)f Buğa halına gəlmək, böyüyüb buğa olmaq.
|
BUĞALIQ (ID - 5125)is. Döllük üçün saxlanan erkək heyvan (qaramal).
|
BUĞDA (ID - 5126)is. Dənindən ağ un üyüdülən taxıl növü. Ağ buğda. Sarı buğda. Xırda buğda. Buğda unu.
|
BUĞDABİTİ (ID - 5127)is. Buğda və başqa taxıllara ziyan verən cücü.
|
BUĞDAYI (ID - 5128)sif. Buğda rəngli, qarayağız, əsmər. Biri sərtasər ağ, həm siyah telli; Biri buğdayıdır, amma şəkilli. M.P.Vaqif. Doğrudan da Xəlilin günəşdə yanmış buğdayı yanaqlarından, tük basmış sərt üzündən uzun müddət vuruşub...
|
BUĞDAYIBƏNİZ (ID - 5129)bax buğdayı. İclası ortaboylu, arıq, qələmqaş, qaragöz, buğdayıbəniz bir adam aparırdı. P.Makulu.
|
BUĞDAYISİFƏT (ID - 5130)b a x buğdayı. Bunların [əsirlərin] içində buğdayısifət, qonur gözlü, uzun kirpikli bir qız vardı. Çəmənzəminli.
|
BUĞLAMA (ID - 5131)1. “Buğlamaq”dan f.is.
2. is. aşp. Buğda bişirilən ət; bozartma. |
BUĞLAMAQ (ID - 5132)f Bir şeyi buğa (buxara) vermək, buğa tutmaq.
|
BUĞLANDIRILMA (ID - 5133)“Buğlandırılmaq”dan f.is.
|
BUĞLANDIRILMAQ (ID - 5134)məch. Buğ halına salınmaq, buğ çıxarılmaq, buxarlandırılmaq.
|
BUĞLANDIRMA (ID - 5135)“Buğlandırmaq”dan f.is.
|
BUĞLANDIRMAQ (ID - 5136)f Buğa çevirmək, buğ halına salmaq, buxarlandırmaq.
|
BUĞLANMA (ID - 5137)“Buğlanmaq”dan f.is.
|
BUĞLANMAQ (ID - 5138)f 1. Buğ olmaq, buğa çevrilmək, buğ halına gəlmək; buxarlanmaq. Günəşin təsiri ilə yerdəki sular buğlanır.
Buğ vermək, buğ çıxmaq. Buludlar parçalanır, torpaq buğ verir, otlar baş qaldırır, quşlar civildəşməyə başlayırdı.... |
BUĞLATMA (ID - 5139)“Buğlatmaq”dan f.is.
|
BUĞLATMAQ (ID - 5140)f Buğa çevirmək, buğa çevrilməsinə, buğ çıxmasına səbəb olmaq. Çaydanı buğlatmaq.
|
BUĞUBURMA (ID - 5141)bax bığıburma. [Məşədi İbad:] A kişi, vallah, mən nə qədər qoca olsam da, min buğuburma cavana dəyərəm... Ü.Hacıbəyov.
|
BUĞUM (ID - 5142)is. 1. anat. Sümüklərin uclarının bir-birinə birləşdiyi yer, oynaq yeri; bənd, məfsəl. Barmaqların buğumları
// zool. Bəzi heyvanların (xərçənglərin, cücülərin və s.) bədənlərinin bölündüyü hissələrdən (bəndlərdən)... |
BUĞUMAYAQLILAR (ID - 5143)is. zool. Onurğasız heyvanların bədəni və ayaqları buğumlu olan qrupu (xərçənglər, hörümçəklər, cücülər və s.).
|
BUĞUMLANMA (ID - 5144)“Buğumlanmaq”danf.is.
|
BUĞUMLANMAQ (ID - 5145)f Buğum-buğum olmaq, bənd-bənd olmaq.
|
BUĞUMLU (ID - 5146)sif. Buğumları, məfsəlləri olan; bənd-bənd.
|
BUĞUMLULAR (ID - 5147)bax buğumayaqlılar.
|
BUĞUR (ID - 5148)is. 1. Cavan erkək dəvə. Paça buğurlar, dizi qara nərlər, gözəl arvanalar .. qoyun sürülərinin dalınca gəlirdi. Ə.Vəliyev.
2. məc. dan. Çox iri, yekə, yoğun adam haqqında. |
BUĞURLANMAQ (ID - 5149)bax buğurlaşmaq.
|
BUĞURLAŞMAQ (ID - 5150)f 1. dan. Buğur halına çatmaq, yetişmək.
2. məc. Sağlamlaşmaq, yekələşmək. |
BUXAQ (ID - 5151)is. İnsanm çənəsi ilə boğazı arasındakı hissə; çənəaltı. Ağ nazik əlinlə bir dəstə bağla; Tər buxaq altında düz bənövşəni. Qurbani. Kəlağayının altından çıxmış qara tellərin ucları ağ buxaqda ilan kimi qıvrılmışdı....
|
BUXAQLANMA (ID - 5152)“Buxaqlanmaq”dan f.is.
|
BUXAQLANMAQ (ID - 5153)f Buxaq sallamaq; kökəlmək, ətlənmək.
|
BUXALTER (ID - 5154)[alm.] Bir idarə və ya müəssisənin maliyyə işlərini aparan işçi; mühasib. Baş buxalter. Buxalter köməkçisi.
|
BUXALTERİYA (ID - 5155)[alm.] 1. Hesabdarlıq və uçot işlərinin nəzəriyyə və praktikası; mühasibat.
2. Bir idarə, ya müəssisənin mühasibat şöbəsi. |
BUXALTERLİK (ID - 5156)is. 1. Bax buxalteriya
ci mənada. Buxalterlik kursu. 2. Buxalter vəzifəsi, işi, peşəsi. Buxalterlik etmək. |
BUXAR (ID - 5157)is. [ər.] 1. B ax buğ. Buxar maşını (buxarın gücü ilə işləyən maşın). - Oddan çıxar buxar saçıldıqca ab ona. Füzuli. Tər damlaları qırmızı dəmirin üstünə tökülüb buxar oldu. M.S.Ordubadi.
2. Kömür, odun, torf və s.-nin... |
BUXARI (ID - 5158)is. Divar içində hörülmüş ocaq. Buxarı çırtaçırt yanır, işığı divarların tutqun rəngli naxışlarına, əlvan pərdələrə və xalılara düşürdü. Çəmənzəminli. Qoca Firuzun .. zirzəmisində isə yenə də buxarı yanmırdı....
|
...
İnformatika hazırlığı
Tam məlumat...
LANGUAGEDOM-DA ŞAHMAT DƏRSLƏRİNƏ 10% ENDİRİM
Tam məlumat...
Riyaziyyat hazırlığı (online və kursda)
Tam məlumat...
......