İzahlı lüğət
VİCDAN (ID - 41741)is. [ər.] Öz hərəkəti üçün mənəvi məsuliyyət hissi, təmiz ürək hissi, öz hərəkətlərinin yaxşı və ya pis olduğunu duyma. Vicdanı təmiz olmaq. - Ürək al qanə dönmüş, Hadiya, hüzni-ümumidən; Bu hüznü bəxş edən kimdir...
|
VİCDANƏN (ID - 41742) |
VİCDANİ (ID - 41743)sif [ər.] Vicdana mənsub və aid olan. [Məlikə xanım:] Oğlum, daxili saflıq və vicdani saflıq insan üçün böyük bir vüqardır! S.Rəhimov.
|
VİCDANLI (ID - 41744)sif. Vicdanı olan, öz iş və hərəkəti üçün mənəvi məsuliyyət hiss edən; ürəyindəki təmiz hiss qüvvətli olan; insaflı. Həyat vicdanlı və namuslu adamı mübarizlər cərgəsinə çıxarmışdır. S.Rəhman.
|
VİCDANLILIQ (ID - 41745)is. Vicdanı olma, vicdanla hərəkət etmə, vicdanlı münasibət.
|
VİCDANSIZ (ID - 41746)sif. Vicdanı olmayan, öz hərəkəti üçün cəmiyyət qarşısında mənəvi məsuliyyət hiss etməyən, ürək hissi təmiz olmayan; insafsız. Vicdansız adam. Vicdansız hərəkət. - [Sara:] Əbdül adi bir nökər isə də, sizin kimi vicdansız...
|
VİCDANSIZCA(SINA) (ID - 41747)zərf Vicdana uymayan bir tərzdə, insafsızcasma; həyasızcasına. Vicdansızcasına hərəkət.
|
VİCDANSIZLIQ (ID - 41748)is. Vicdanı olmama; öz hərəkəti üçün mənəvi məsuliyyət hissinin olmaması; insafsızlıq. Zənnimcə, xilqətdən daha əvvəl ədalətsizlik və vicdansızlıq yaranmışdır. C.Cabbarlı. islam Tellinin izzətinəfsini ayağı altına alıb...
|
VİCƏ (ID - 41749)dan. bax vicvicə. Məni vicə tutdu.
|
VİCƏLƏNDİRMƏ (ID - 41750)“Vicələndirmək”dən f.is.
|
VİCƏLƏNDİRMƏK (ID - 41751)f Yüngül üşütmə əmələ gətirmək, vicə gətirmək.
|
VİCƏLƏNMƏ (ID - 41752)“Vicələnmək”dən f.is.
|
VİCƏLƏNMƏK (ID - 41753)f. Bədənində yüngül üşütmə hiss etmək. O, şübhəli nəzərlərlə içəri girənləri süzüb, əllərini ovuşdurdu və vicələnirmiş kimi: - A bala, o pəncərəni örtün, dedi. “Kirpi” .
|
VİC-VİC (ID - 41754)təql. Quşların cikkiltisi. iki yolçu sevimli qırlanğıc; Ötüşür bir budaqda şən: “vic-vic!” A.Şaiq.
|
VİCVİCƏ (ID - 41755)is. dan. Üşütmə. Canıma vicvicə
düşdü. |
VİDA (ID - 41756)is. [ər.] Görüşüb bir-birindən müvəqqəti və ya həmişəlik ayrılma; xudahafizləşmə, sağollaşma; əlvida. Hacı təntənəli bir vida ziyafəti düzəltmişdi. M.S.Ordubadi. Şükufələnmiş güllər nəsimin dəyməsindən enib-qalxdıqca,...
|
VİDALAŞMA (ID - 41757)“Vidalaşmaq”dan f.is.
|
VİDALAŞMAQ (ID - 41758)f . Görüşüb bir-birindən (həmişəlik, ya müvəqqəti) ayrılmaq; xudahafizləşmək, sağollaşmaq. Student xanımla vidalaşaraq, iki gündən sonra daşınacağını bildirdi. Çəmənzəminli. ikinci zəng vurulduqda miniklər vaqonlara minməyə...
|
VİDEO (ID - 41759)is. [lat.] Televiziya, radiolokasiya siqnalları və başqa mürəkkəb elektrik siqnallarının elektron şüa borusu ekranında təsviri ilə bağlılıq bildirən mürəkkəb sözlərdə önlük. Videokamera, videomaqnitafon və s.
|
VİKA (ID - 41760)[lat.] bot. Çölnoxudu; noxudaoxşar yem otu.
|
VİKARİ (ID - 41761)is. [ing.] Əvəzedici, əvəz edən, vəkil olunmuş şəxs.
|
VİKİNQ (ID - 41762)[skand.] Qədim Skandinaviya dəniz döyüşçüsü; dəniz qulduru.
|
VİKONT (ID - 41763)[fr.] Köhnə Fransada, İngiltərədə və bəzi başqa dövlətlərdə: baron ilə qraf arasında orta zadəgan rütbəsi və bu rütbəyə sahib olan adam.
|
VİKTORİNA (ID - 41764)[lat.] Biliyin müxtəlif sahələrindən şifahi və ya yazılı sualların cavabını tapma oyunu.
|
VİLAYƏT (ID - 41765)is. [ər.] 1. Böyük inzibati ərazi bölgüsü. Dağlıq Qarabağ Muxtar Vilayəti.
2. Ölkə, məmləkət, mahal, əyalət, ərazi, yer. Buna görə mən .. müxtəlif dövrlərdə Şirvan, Dağıstan vilayətləri və ətrafında baş verən hadisələri... |
VİLAYƏTİ (ID - 41766)is. [ər.] mus. Azərbaycan klassik muğamlarının bəzilərinin tərkibində olan əsas şöbələrdən birinin adı. “Vilayəti” nin birinci cümləsi variasiya şəklində təkrar olunmasını tələb edir. Ü.Hacıbəyov.
|
VİLLA (ID - 41767)[lat.] Şəhər kənarında bağ-bağat içərisində qəşəng ev; köşk. Burada çox gözəl villalar tikilmiş, həyətlər, bağçalar səliqəyə salınmışdır. M.İbrahimov.
|
VİNEQRET (ID - 41768)is. [fr.] 1. Kartof, kələm, çuğundur, yumurta və sirkə ilə hazırlanan soyuq yemək; qəlyanaltı yeməyi.
2. Həftəbecər. |
VİNETKA (ID - 41769)is. [fr.] Orta və ya ali məktəbi qutaranların fərdi şəkillərdən ibarət kollektiv şəkli.
|
VİNİL (ID - 41770)is. Kimyəvi maddə.
|
VİNT (ID - 41771)[rus.] 1. Burğulu mıx, burğu şəklində olan mıx. Vintlə bərkitmək. Vinti boşaltmaq. // dan. Ümumiyyətlə, yivli şeylər: şurup, bolt və s. [Məmməd:] Bir kranı və ya vinti burmaqda kompressorların və ya motorların işini nizama salırlar....
|
VİNTAÇAN, VİNTBURAN (ID - 41772)is. Vinti burub bərkitmək və ya açmaq üçün alət. Bıçağın üç-dörd tiyəsi, qayçısı, dırnaqtutanı, konservaçanı, vintburanı, tıxac çıxardanı vardı. M.Hüseyn.
|
VİNTLƏMƏ (ID - 41773)“Vintləmək”dən f.is.
|
VİNTLƏMƏK (ID - 41774)f Vintlə bərkitmək, vintlə bir şeyi başqa şeyə rəbt etmək.
|
VİNTLƏNMƏ (ID - 41775)“Vintlənmək”dən f.is.
|
VİNTLƏNMƏK (ID - 41776)məch. Vintlə bərkidilmək.
|
VİNTLƏNMİŞ (ID - 41777)f sif Vintlə bərkidilmiş. Döşəməyə vintlənmiş skamya.
|
VİNTLİ (ID - 41778)sif 1. Bərkitmək üçün vinti olan. Vintlə bərkidilmiş, vintlənmiş.
xüs. Vintlə təchiz edilmiş (bax vint 2-ci mənada). Vintli təyyarələr dövründən sonra reaktiv təyyarələr dövrü gəlmişdir. |
VİNTVARİ (ID - 41779)sif. Vintə oxşayan, vintşəkilli, vint kimi, burğuya oxşayan. Minarənin yuxarısına çıxmaq üçün tikilmiş daş pilləkən vintvari şəkildə olub, qüllənin içərisində yerləşmişdir. O.Salamzadə.
|
VİOLA (ID - 41780)[ital.] mus. 1. XV-XVIII əsrlərdə Qərbi Avropada yayılmış müxtəlif ölçü və diapazonlu, yayla çalınan, adətən altısimli musiqi aləti.
2. Yayla çalınan dördsimli musiqi aləti; alt. |
VİOLONÇEL (ID - 41781)[ital.] mus. Skripka tipində düzəldilmiş yayla çalınan bastenor diapazonlu dördsimli musiqi aləti. Daşıdığı adından bəlli olduğu kimi, simli orkestrin tərkibi yalnız simli musiqi alətlərindən (skripka, alt, violonçel və kontrabas)...
|
VİOLONÇELÇALAN, VİOLONÇELÇİ (ID - 41782)is. Violonçel çalan çalğıçı.
|
VİRAJ (ID - 41783)is. [fr.] 1. Döngə. Təyyarənin üfüqi müstəvidə pilotaj fiquru.
Fotoqrafiyada pozitiv fototəsvirlərə rəng verilməsi üçün istifadə olunan məhlul. |
VİRAN (ID - 41784)sif. [fars.] Uçuq, yıxıq, dağılmış; viranə qalmış; bərbad. Viran şəhər. Viran ev. Viran ölkə. - Açdı mənə dərdli ağac; Viran bağın məlalını. M.Rahim. □ Viran qalsın (olsun)! - dağılsın! məhv olsun! (qarğış). Zülm...
|
VİRANEDİCİ (ID - 41785)sif. Viranə halına salan, yıxıb-dağıdıcı, xarabazara çevirən. Viranedici müharibələr. Viranedici zəlzələ.
|
VİRANƏ (ID - 41786)is. [fars.] Xaraba, yıxıq bina, uçuq bina qalıqları. Mənzil olur gəh mənə viranələr; Cin görürəm, can görürəm, qorxmuram. M.Ə.Sabir. Mən onda bildim ki, yaranmaq nədir? Bəşərsiz kainat bir viranədir. S.Vurğun. // klas. Məc....
|
VİRANƏLƏNMƏK (ID - 41787)f . Viranə halına gəlmək, dağılmaq, bərbad olmaq. // Məc. mənada. Bir qəmzəsi qanlı, həramı, yağı; Çapdı könlüm şəhrin, viranələnmiş. M.V.Vidadi.
|
VİRANƏLİK (ID - 41788)is. Xarabazar yer, viran olmuş yer; xarabalıq, xarabazarlıq.
|
VİRANXANA (ID - 41789)is. [fars.] Xaraba, viranə, xaraba qalmış ev (hiddət, yaxud kədər məqamında evə işarədir). [Qarı:] Öz viranxananda otur, .. bu il taxılımız da yaxşıdı. M.Hüseyn.
|
VİRD (ID - 41790)is. [ər.] Dindarların bir savab iş kimi tez-tez söylədikləri, təkrar etdikləri dini kəlam, söz, ifadə. Gər vəfa qıl bu Xətayi bəndənə, ya qılma, kim; Ruzü şəb verdim sənə zikrü duadır, bilmiş ol. Xətayi. Əhli-dünyayə virdi...
|
Bu səhifə dəfə baxılıb
Tarix fənni üzrə hazırlıq (Abituriyent və MİQ hazırlığı)
Tam məlumat...
BAHAR KAMPANİYASI 50 %
Tam məlumat...
Coğrafiya hazırlığı (online - kursda)
Tam məlumat...
......