ZE+education...

İzahlı lüğət

AZ

sif. 1. Sayca çox olmayan, cüzi (çox ziddi). Az pul. Az miqdar. Az bilik. İclasa az adam gəlmişdi.
// Çox sürməyən, sürəksiz, çox davam etməyən, tez qurtaran. Az ömür. Az vaxt. Az (z.) yaşamaq. Az (z.) sürmək. - Az yeyənin azarı da az olar. (Ata. sözü).
// Kifayətsiz, ehtiyacı ödəməyən (adətən xəbər şəkilçisi ilə). Bu məbləğ azdır. Yaşına görə təcrübəsi azdır. Onun biliyi çox azdır.
// “Bir” sözü ilə - azacıq, az miqdarda. Bir az su ver. Bir az gözlə. Bir az dincəl.
Seyrək, nadir, arabir, gec-gec. Bakıda yağış az olur. Burada yaşıllıq çox azdır. Belə təsadüflər az düşər. Dostlar az görüşürlər.
İs. mənasında. Azlıq, əqəliyyət. Az çoxa tabe olmalıdır.
İs. mənasında. Az şey, az miqdar. Aza qane olmaq. - Azdan az deyiblər, çoxdan çox. (Ata. sözü).
□□ Az qala, az qaldı, az qalmışdı - demək olar ki, həmən-həmən. - Vallah, qəribə axmaqdırlar bu ingilis tayfaları ki, belə xətərli millət ilə az qalmışdı cəng başlayalar. M.F.Axundzadə. Məni az qaldı səyyadi-əcəl seyd eləsin, ey dil! Hanı ol ahuyi-rənayə
səyyad olduğum günlər? S.Ə.Şirvani. Bəndalı qəlbində doğan təlatümdən az qaldı özünü itirə. Mir Cəlal. Usta Ağabalanın səsinə hamamçı dik atılıb az qaldı ocağın üstə qaynayan pitini töksün. Çəmənzəminli. Bir azdan - bir qədər sonra, azacıq sonra. Bir azdan gələrsən. Bir azdan hazır olar.
Qapı ağzında dayanmış Hacib dönüb getdi və bir azdan əlinə qılınc verilmiş ikinci cəllad içəri gəldi. Ə.Məmmədxanlı. Nə az, nə çox - məhz o qədər, düz, tam. Nə az, nə çox, düz bir ay yaylaqda qaldım.
az-az zərf 1. Yavaş-yavaş, tədriclə. Xəstə az-az sağalmağa başlamışdır. Uşaq az-az yeriyir. Yağış az-az yağır. İşlər az-az irəliləyir.
// Azca-azca. [Cavadın] dişgöynədən sulardan az-az, tez-tez içdiyi dəqiqələr gözləri qabağında canlandı. Ə.Vəliyev.
2. Nadir, gec-gec. [Eldar] kəndə az-az gəlməyə başlayır. S.Hüseyn. Bəy tayfasından belə adam az-az çıxır. S.Rəhimov.
Öz fikrinizi bildirin
Bu məqaləyə aid şərhlər yazılmayıb. Öz şərhlərinizi göndərmək üçün aşağıdakı bölmədən istifadə edin.!

A1

AKR

Ugur MM
Language dom
Alsat.az - ən rahat aliş-veriş saytı
Tereggi 1
Yeni video
Bioogiya. Dəri. Dərinin quruluşu və funksiyası.
Bioogiya. Dəri. Dərinin quruluşu və funksiyası.
Yeni video
Fizika. Gərginlik. Gərginliyin olculmesi. Elektrik cərəyan. Elektrik qüvvəsi
Fizika. Gərginlik. Gərginliyin olculmesi. Elektrik cərəyan. Elektrik qüvvəsi
Yeni video
Cümlə. Cümlənin tərkibi. Cümlə üzvləri. Sadə və mürəkkəb üzvlər
Cümlə. Cümlənin tərkibi. Cümlə üzvləri. Sadə və mürəkkəb üzvlər
Modal sözlər
Modal sözlər
Məktəblərə olan “qeyri-qanuni” müəllimlər. Vahid məktəbli formasina keçilir.
Məktəblərə olan “qeyri-qanuni” müəllimlər. Vahid məktəbli formasina keçilir.
Ədat. Ədatlar. Qüvvətləndirici, Dəqiqləşdirici, Sual, Əmr, Təsdiq, İnkar və Arzu ədatları
Ədat. Ədatlar. Qüvvətləndirici, Dəqiqləşdirici, Sual, Əmr, Təsdiq, İnkar və Arzu...
......
Bağla
Distinct error1552: Unknown column 'height' in 'field list'