İzahlı lüğət

ZORLAMAQ f 1. Zorla bir işə məcbur etməyə çalışmaq, zora salmaq, zorla boynuna qoymaq. Gülyaz Səmədi, heç olmazsa, rəsmi bir ər kimi istəmək üçün könlünü nə qədər zorlayırdısa da, bir nəticə çıxmırdı. M.Hüseyn. [Nəriman:] Mənim qəlbimi zorlamaq fikrinə düşmədi. Mir Cəlal. məc. Zorla cinsi əlaqəyə məcbur etmək, zorla əlaqədə olmaq, namusuna toxunmaq. Zorla açmaq, gücə salaraq açmaq; güc gəlmək. Onlar nə hökumət qapısını, nə də sizin evin qapısını zorlayıb içəri girə bilməzlər. M.S.Ordubadi. Axund qapını zorlamağa başladı. S.Rəhman. // Güc gəlmək, zorakılığa salmaq, güc eləmək, zor etmək. Sonra hər kəs gəldi, zorladı, girdi içəri. C.Məmmədquluzadə. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!