İzahlı lüğət

QORUMAQ f. 1. Hücumdan, təhlükədən, zərbədən, düşməncə qəsdlərdən və s.-dən mühafizə etmək, müdafiə etmək, təhlükəsizliyini təmin etmək. Vətəni qorumaq. Ölkənin hüdudlarını qorumaq. - [Yasavulbaşı] .. tez-tez atını sürüb oğlu ilə [atanın] arasına girir, guya özünü sipər edib onu oğlundan qoruyurdu. M.Rzaquluzadə. 2. Pis, zərərli və ya istənilməz bir şeyin təsirindən mühafizə etmək. Xəstəliklərdən qorumaq. Başını gündən qoru! Uşağı soyuqdan qorumalı. Quşları sevmək, onları qorumaq hər bir məktəblinin borcudur. // Ümumiyyətlə, mühafizə edib saxlamaq. [Səriyyə xala] uşaqların gələcəyini düşünərək yaxasında gizlətdiyi.. pulu bir sirr kimi qorumağı qərara aldı. M.İbrahimov. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!