İzahlı lüğət

GÜNORTA is. 1. Gündüz saat 12, günəşin üfüq üzərində ən yüksək nöqtəyə çatdığı vaxt. Günortadan sonra şəhərin bütün əhalisi cıdır düzünə tərəf axışmağa başladı. Çəmənzəminli. Həmin vaxta aid, günorta vaxtı gedən, gələn, olan. Günorta qatarı. - [Mozalanbəy:] Sabah saat xoşdur, inşallah, günorta maşını ilə yola düşərsiniz. Ə.Haqverdiyev. [Tələbə:] Mən günorta azanını gözləyirdim. S.Hüseyn. □ Günorta yeməyi (çörəyi) günorta vaxtı yeyilən yemək. [Musanın nəvəsi] bir gün günorta çörəyinə öz ayağı ilə bizə təşrif buyurdu. Qantəmir. Bir dəfə günorta çörəyindən sonra mən yerimin içində uzanaraq kitab oxuyurdum. M.İbrahimov. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!