İzahlı lüğət

BÜRÜMƏK

f 1. Hər tərəfini bir şeylə sarımaq, bir şeyə bükmək. Laçın qəfildən yapıncısını açıb Gülyazı bürüdü. M.Hüseyn.
Gizlətmək, örtmək. Üzünü bürümək. -Nəğmə kimi pərdə çək xəyalə; Qönçə kimi yüz bürü cəmalə. Məsihi. Ay bimürvət, firqətindən məcnunam; Olmuşam divanə, üzün bürümə. Aşıq Hüseyn. Mən sənə olmuşam didar aşiqi; Sən üzünü bürüməyin nədəndir? M.P.Vaqif.
Ətrafmı almaq, dövrələmək, əhatə etmək, araya almaq, ortalığa almaq, mühasirəyə almaq. Şəhərin ətrafını atlılar bürüyüblər və hər yandan tərəddüd kəsilib. Məmmədquluzadə. Bürüyür dövrəmi saysız ulduzlar. S.Vurğun.
Qaplamaq, çulğalamaq, yayılıb tutmaq. Bir dəqiqə içində bütün evi alov bürüdü. Dağların başını duman bürümüşdür. Sıx buludlar bütün göy üzünü bürümüşdür. Yanğının tüstüsü ətrafı bürümüşdür. - Qeyri-adi bir çiskin hər tərəfi bürümüşdü. M.İbrahimov. Yadların onda kəsilsin nəfəsi; Bürüsün hər tərəfi nəğmə səsi. S.Rüstəm.
// Yayılmaq, basmaq, doldurmaq. Fitələrin üstə xınalanıb yatmış iki kişinin xorultusu hamamı bürümüşdü. Çəmənzəminli.
Hər tərəfini örtmək, bulamaq. Bürüyüb cümleyi-libasını qan; Eyləyir ahü naləvü əfğan. S.Ə.Şirvani.
Nüfuz etmək, tutmaq, qaplamaq (adətən köməkçi feil kimi isimlərə qoşulur). Xavəri təlaş bürüdü. M.İbrahimov. Nəriman xitabət kürsüsünə çıxanda salonu tamamilə sükut bürüdü. Mir Cəlal. Qarını bir həyəcan bürüdü. Ə.Məmmədxanlı.
Öz fikrinizi bildirin
Bu məqaləyə aid şərhlər yazılmayıb. Öz şərhlərinizi göndərmək üçün aşağıdakı bölmədən istifadə edin.!
......