Fevralın 18-də Azərbaycan Dövlət İqtisad Universitetinin (UNEC) Ömürboyu Təhsil Mərkəzi tərəfindən “Data analitika” ilə bağlı ödənişsiz seminar keçiriləcək.

UNEC-dənAZƏRTAC-a bildirilib ki, seminarda dinləyicilər “Power BI” proqramının bütün komponentlərinin (“Power Query”, “Data Model”, DAX və s.) işləmə prinsipləri ilə tanış olacaqlar. Həmçinin “Power BI” ilə müxtəlif mənbələrdən olan datanı sürətli şəkildə əldə edərək vizual, dinamik hesabatları hazırlamaq üçün lazımi bilik və bacarıqlara yiyələnəcəklər.

Sonda iştirakçılara sertifikat veriləcək.