Kolleclərə daxil olmaq istəyənlər - boş qalan yerlərə ixtisas seçimi elan edildi
Dövlət İmtahan Mərkəzi (DİM) 2017/2018-ci tədris ili üçün ümumi (9 illik) orta təhsil bazasında orta ixtisas təhsili müəssisələrinin boş qalan yerlərinə tələbə qəbulu müsabiqəsində iştirak etmək üçün ixtisas seçimi elan edib.
DİM-dən Milli.Az-a verilən məlumata görə, elanın tam mətni "Abituriyent" jurnalının xüsusi buraxılışında çap olunub.
Jurnalın xüsusi buraxılışında, həmçinin "Abituriyentin elektron ixtisas seçimi ərizəsi"nin doldurulması və təsdiqi üçün təlimat və "Abituriyentin elektron ixtisas seçimi ərizəsi"nin nümunəsi, qəbul aparılan ixtisasların siyahısı, boş yerlərin sayı və s. məlumatlar Azərbaycan və rus dillərində dərc edilib.
