ZE+education...
Kurikulum+sinaqlar...

Hansı orqanımız nə vaxt sıradan çıxmağa başlayır?

Web site
12.07.2015
Web site

Hansı orqanımız nə vaxt sıradan çıxmağa başlayır? - 1
Qocalmaq bəşər övladını hər zaman narahat edən məsələdir. Bunun qarşısını almaq üçün müxtəlif üsullar öyrənilib.

Amma qocalmaqla bağlı düşüncələrimizin bir çoxu yanlışdır. Məsələn, bizə elə gəlir ki, insan birdən-birə qocalır. Bu prosesə heç cür mane olmaq mümkün deyil. Amma bu proses tədricən baş verir və əgər siz hansı orqanınızın nə vaxt qocalmağa başlayacağını bilsəniz, prosesə müəyyən qədər müdaxilə edə bilərsiniz.

Klivlend Klinikasının mütəxəssisi Ronan Factora görə, bədənimizi qocalmaqdan hər yaşda qoruya bilərik.

Trail.az hansı orqanın nə vaxt və necə qocalması ilə bağlı yazını təqdim edir:

18 yaş - dəri. İnsanlar 18 yaşdan başlayaraq, hər il dərilərinin elastikliyinin 1 faizini itirirlər. Hər gün qapalı məkanda olsanız belə, siqaret çəkməyib, yaxşı bəslənib, titan, ya da sink günəş kremi sürtməklə bu müddəti gecikdirə bilərsiniz.

30 yaş - ağciyərlər. Bu yaşdan sonra ağciyərlər fəaliyyətini ildə 1 faiz itirməyə başlayır. Günün əsas hissəsini oturaraq keçirənlərdə bu proses hərəkətli insanlara nisbətən daha sürətlə baş verir. Ağciyərinizin gec qocalmasını istəyirsinizsə, daim hərəkətdə olun.

35 yaş - sümüklər. Sümüklərin çəkisi 35 yaşdan sonra hər il 1 faiz azalır. Ağırlıq qaldırma hərəkətləri sümüklərin möhkəmləndirilməsində mühüm rol oynayır. 2015-ci ildə aparılan araşdırma zamanı gündə 20 dəfə tullanmanın sümüklərin möhkəmliyinə təsir etdiyi sübut olunub.

40 yaş - əzələlər. Beynəlxalq Qocalma İnstitutunun elm adamı Luici Ferrucinin araşdırmasına görə, qocalandan sonra hamımızda əzələlər zəifləyir, əksinə yağ toplayırıq. Bu təəssüfləndirici dəyişiklik 40 yaşdan sonra sürətlənir. Əzələlərinizin zəifləməyini istəmirsinizsə, idman hərəkətlərini həyatınızın ən vacib hissəsinə çevirin.

40 yaş - gözlər. Beynəlxalq Sağlamlıq İnstitutlarının araşdırmasına görə, gözlərimiz həyatımızın ilk dövrlərində diqqətli fotoaparat kimidir. Ancaq 40 yaşdan sonra görüş sahəsi azalır. Göz xəstəliklərindən qorunmaq üçün siqaret çəkməyin və ultrabənövşəyi şüalardan qorunmaq üçün eynək taxın. Günəş və siqaret katarakt olmaq ehtimalınızı artırır.

50 yaş - böyrəklər. Bunu siz hiss etməsəniz belə, 50 yaşdan sonra böyrəklərinizin işi geriləməyə başlayır. Buna qarşı ancaq su içərək mübarizə apara bilərsiniz. Bir araşdırmaya görə, çox su içənlərin böyrəyinin qocalma ehtimalı az içənlərdən gec olur.

60 yaş - qulaqlar. İnsanlar eşitmə qabiliyyətini tədricən itirirlər. Ancaq 65-74 yaş arası hər 3 insandan 1-də eşitmə problemi var. Bu vaxtı dəyişmək üçün əlimizdən heç bir iş gəlmir. Ancaq tez-tez yüksək səsli musiqi dinləmək və ya ifa etmək, çox səsli yerlərdə işləmək eşitmək qabiliyyətinizin zəifləməsini bir az da sürətləndirəcək.

Bağırsaqlar da 60 yaşdan sonra qocalmağa başlayır. Təkcə başınızdakı tüklər deyil, bağırsaqlardakı saça bənzəyən və yediyimiz qida maddələrindəki mineralları qəbul edən kiçik çıxıntılar da 60 yaşdan sonra düzləşməyə başlayır. Bu da həmin yaşdan sonra bədənimizin daha az mineral maddə qəbul etməsi deməkdir.

65 yaş - ürək. Bu yaşdan sonra ürək əzələlərinizin sayı azalsa da, onun həcmi böyüyür. Bu da ürək divarınızın qalınlaşmasına səbəb olur. Bu yaşdan sonra infarkt olma ehtimalı da artır.

70 yaş - beyin. Hər dəfə hadisələri unutmağınız qocalmağınız demək deyil. Lakin 70 yaşdan sonra artıq beyindəki dəyişikliyi hiss etməyə başlayacaqsınız.

Mənbə: https://trail.az

Dostlarınızla paylaşın!
Paylaşın - Hamı bilsin

Yazılmış sərhlər

Qonaq__11911639 - 13.07.2015
beli duzdur

Öz şərhinizi yazın

Ugur MM
Language dom
Alsat.az - ən rahat aliş-veriş saytı
Elbite tibb kurslari
Tereggi 1
Yeni video
Zülal. Zülalların funksiyaları. Zülalın quruluşu. Biologiya
Zülal. Zülalların funksiyaları. Zülalın quruluşu. Biologiya
Yeni video
Bağlayıcılar. Bağlayıcılarda durğu işarələri. Azərbaycan dili. Dərs 47.
Bağlayıcılar. Bağlayıcılarda durğu işarələri. Azərbaycan dili. Dərs 47.
Yeni video
Babək. Xürrəmilər. Ərəb xilafətı. İslamın Azərbaycanda yayılması
Babək. Xürrəmilər. Ərəb xilafətı. İslamın Azərbaycanda yayılması
Yeni video
Qafqaz Albaniyası. Cavanşir. Qədim Azərbaycan dövlətləri.
Qafqaz Albaniyası. Cavanşir. Qədim Azərbaycan dövlətləri.
......
Bağla
Yeni video
Zülal. Zülalların funksiyaları. Zülalın quruluşu. Biologiya
Zülal. Zülalların funksiyaları. Zülalın quruluşu. Biologiya
Yeni video
Bağlayıcılar. Bağlayıcılarda durğu işarələri. Azərbaycan dili. Dərs 47.
Bağlayıcılar. Bağlayıcılarda durğu işarələri. Azərbaycan dili. Dərs 47.
Yeni video
Babək. Xürrəmilər. Ərəb xilafətı. İslamın Azərbaycanda yayılması
Babək. Xürrəmilər. Ərəb xilafətı. İslamın Azərbaycanda yayılması
Yeni video
Qafqaz Albaniyası. Cavanşir. Qədim Azərbaycan dövlətləri.
Qafqaz Albaniyası. Cavanşir. Qədim Azərbaycan dövlətləri.
Yeni video
Azərbaycan xanlıqları. Qərb Xanlıqları. İrəvan xanlığı. Naxçıvan xanlığı.
Azərbaycan xanlıqları. Qərb Xanlıqları. İrəvan xanlığı. Naxçıvan xanlığı.
Yeni video
Azərbaycan dili. Bağlayıcılar. Bağlayıcılarda bəzi məqamlar. Dərs 46.
Azərbaycan dili. Bağlayıcılar. Bağlayıcılarda bəzi məqamlar. Dərs 46.

İzahlı video testlərə keç