Google Translate səsi tərcümə edə bilir

• 17.10.2011
• Qarışıq
• 323

RİA novosti-nin verdiyi xəbərə görə, Google şirkəti Android platformasına uyğun Google Translate-in bir hissəsi olan nitqinin tərcüməçisi Conversation Mode-a rus dilini də əlavə edib.
Conversation Mode funksiyası real zamanda əcnəbilərlə onların doğma dilində danışmaq üçün ideal bir vasitədir. Google şirkəti qeyd edir ki, bu eksperimental funksiyadır və nitqin tanınmasında və mətnin tərcüməsində müəyyən qüsurlar ola bilər.

Google Translate tərcüməçisinin Conversation Mode funksiyası ondan ibarətdir ki, danışdığınız insanın nitqini mətnə transformasiya edir, mətni tərcümə edir və yenidən sizə uyğun olan dildə səsləndirir. Sizin nitqiniz ilə eyni proses baş verir.
Rus dilindən başqa yeni funksiya 11 digər dilləri də dəstəkləyir: portuqal, çex, holland, fransız, alman, italyan, yapon, koreya, çin, polşa, türk və portuqal dilinin braziliya variantı. İlkin zamanlar funksiya sadəcə iki dili dəstəkləyirdi: ingilis və ispan.
Google onu da əlavə edir ki, tərcümə zamanı alınan mətndə səhv olarsa istifadəçi onun üzərində asanlıqda düzəliş edə bilər.
Hal-hazırda Google Translate mətnləri 63 dildən tərcümə edə bilir, səs tərcüməsində isə 17 dili dəstəkləyir.
Səsin tanınması sistemi üzərində həmçinin Apple şirkəti də işləyir. Yeni iPhone 4S smartfonlarında səs komandaları tanıyan Siri funksiyası reallaşdırılmışdır.

Azərbaycan dilini nə vaxt əlavə edəcəkləri haqqında heç bir məlumat yoxdur.

• Paylaşmağı unutma