Facebook-dan yeni şad xəbər

• 13.05.2012
• Qarışıq
• 257

"Facebook" sosial şəbəkəsində qrup iştirakçılarının istifadə edə biləcəyi fayl mübadiləsi funksiyası işə salınıb. Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, yüklənən bir faylın maksimal ölçüsü 25 meqabaytla məhdudlaşır.

Qrup istifadəçiləri sənəd, fotoşəkil, qısa videoçarx və digər kontenti mübadilə edə biləcəklər. Zərərli proqramların və müəllif hüququ sahibləri tərəfindən şikayətlərin olmaması üçün "Facebook" musiqi və ".exe" genişlənməli faylları yükləməyi qadağan edib. "Facebook"-un qruplarından 380 milyonda çox insan istifadə edir. Yeni funksiyadan hələlik yalnız məhdud saylı qruplar yararlana bilər.

Fayl mübadiləsi funksiyası ilk dəfə "Facebook"-un kollec və universitet tələbələri üçün qapalı qruplarında yaradılıb. Qruplara yalnız ".edu" poçt ünvanına malik istifadəçilər daxil ola bilərlər. Yeni funksiyanın sosial şəbəkə tərəfindən 2011-ci ilin oktyabrında alınan "drop.io" fayl mübadiləsi texnologiyasına əsaslandığı ehtimal edilir. "Adobe Connect" və ya "Dropbox" fayl mübadiləsi servislərindən fərqli olaraq burada qeydiyyat tələb olunmur. İstifadəçilərin faylı yükləyərək keçid əldə etməsi və onu dostları ilə bölüşməsi kifayət edir.

• Paylaşmağı unutma