Çaydanlar da “Wi-Fi”-la işləyəcək
“Polaris” şirkəti “PWK 1792CGL” adlı “Wi-Fi” çaydan buraxıb. “iOS” və “Android” platformaları ilə işləyən smartfon və ya planşetin köməyi ilə bu çaydanı uzaq məsafədən idarə etmək olar.
Bunun üçün xüsusi hazırlanmış "Polaris. Ağıllı çaydan" mobil tətbiqini yükləmək lazımdır.
"ICTnews" elektron xəbər xidməti “ferra.ru” saytına istinadən bildirir ki, mobil tətbiq 12 avtomatik multiproqramdan ibarətdir. Proqramlar müxtəlif çay və qəhvə növlərinin dəmlənməsi üçün qaynadılmış suyun temperaturunu tənzimləməyə imkan verir. Məsələn, çay həvəskarları "Hind çayı" və ya "Puer" rejimini işə sala biləcək. Proqramı quraşdırmaq kifayətdir, su qaynadıqda mobil tətbiq bu haqda bildirəcək. Bu halda eyni zamanda iki qurğudan çaydana qoşulmaq olar. Mobil tətbiqin malik olduğu bir sıra faydalı seçimlər çaydandan rahat və əlverişli istifadəyə imkan verəcək. "Saf su" funksiyası çaydandakı mayenin vaxtının keçdiyini və onu dəyişdirməyi xatırladacaq. Suyun miqdarının avtomatik təyini çaydanı doldurmaq haqda bildirəcək.
Belə çaydan 2014-cü ilin dekabrında satışa çıxarılacaq.
Emil Hüseynov
Mənbə: https://www.ictnews.az
Yazılmış sərhlər
|
sados
- 22.12.2014
deyirem ki birazdan insanlarin beynine de wi- fi yerlesdirecekler
|
|
oyan
- 21.12.2014
Maraqlıdır
|
|
fatma59
- 19.12.2014
bir müddət işləmə qarantisi varsa nə xoş tənbəl qadınlara
|
|
Qonaq__3798573
- 16.12.2014
Biz de ele bir sistem uzerinde isleyirik de. Burda ne var ki. adi uzaqdan idaretmedirde
|
|
Qonaq__5952978
- 16.12.2014
cox gozel melumatdir
|
