Boğaziçi Study & Travel

“BOĞAZİÇİ TƏHSİL VƏ MƏSLƏHƏTÇİLİK” MMC 2008-ci ilin fevralında təsis edilmiş və hal-hazırda xaricdə təhsil sahəsində inkişaf edən perspektivli şirkətlərdəndir. BOĞAZİÇİ şirkətinin yarandığı gündən əsas məqsədi Azərbaycan və regionda xaricdə təhsil ilə bağlı dəyərli məsləhət vermək və tələbələrə gələcəkləri üçün doğru istiqamət verməkdir.

“BOĞAZİÇİ” şirkəti Azərbaycanda və onun hüdudlarından kənarda yerləşən çox sayda yerli və xarici təşkilatlara,universitet və dil kursları ilə birgə çalışaraq xaricdə təhsillə bağlı bütün növ xidmətləri təqdim edir.

Azərbaycanın böyük potensialı və güclü inkişaf dinamikası tələbələrin xaricdə təhsil almağı üçün geniş fürsət yaradıb. Xarici universitetlərin istər təhsil haqqı,istər təhsil səviyyəsi bu tələbatın artmağına gətirib çıxarmışdır.
Şirkətimizin əsas məqsədlərindən biri də, Cənab Prezident İlham Əliyevin xüsusi qayğısı ilə həyata keçirilən “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”na tələbələr arasında marağın artırılmasıdır. Bu istiqamətdə bir sıra layihələr həyata keçirən şirkətimiz, tələbələr və şagirdlərə xitab edən bir sıra seminar və görüşlər keçirmiş və daima bu yöndə yeniliklər ortaya qoyur.