Davamiyyət balınız
Sizin hazırki nikiniz (ləğəbiniz)

Direktorları ciddi sınaq gözləyir

Direktorları ciddi sınaq gözləyir


“Ümumtəhsil müəssisələrində işləyən direktor, direktor müavinləri, metodist və yerli təhsil idarəetmə orqanlarının işçilərinin biliklərinin diaqnostik qiymətləndirilməsi keçirilib”.
Lent.az-ın məlumatına görə, bunu Təhsil Nazirliyinin İnsan resursları şöbəsinin müdir müavini Eşqi Bağırov “Günün Nəbzi” verilişində deyib.
Məktəblərdə müəllimlərlə yanaşı, eyni zamanda rəhbər işçilər, direktor, direktor müavinləri,  yerli təhsil idarəetmə orqanlarında işləyən metodistlər, dövlət qulluqçularının da dərs dediklərini xatırladan E.Bağırov bildirib ki, buna görə onlar üçün də diaqnostik qiymətləndirilmə keçirilməsi zərurəti yarandı: “ Düşündük ki, əgər dərslərin bir hissəsini bu qəbildən olan işçilər tədris edirsə, onların da ixtisas  biliklərinin yoxlanılması lazımdır. Buna görə avqust ayının ortalarında direktor, direktor müavinləri metodistlər və dövlət qulluqçularının da diaqnostik qiymətləndirilməsini apardıq. Nəticələr həmin gün namizədlərin özlərinə  bildirildi”.
Qurum rəsmisi deyib ki, qiymətləndirilmənin nəticələrindən asılı olaraq onların məktəbdə dərs aparıb-aparmamaqları ilə bağlı təkliflər hazırlanacaq: "Hələ ki, təhlillər aparılır. Bəllidir ki, kənd məktəblərində bəzi hallarda kadr çatışmazlığı olduğu üçün direktor, direktor müavinlərinə də dərs saatları ayrılır.  Onlarda dərs saatları qalacaq, tədrisə davam edəcəklər. Amma şəhərdə, mərkəzi məktəblərdə tədris aparan direktor, direktor müavinlərinin tədrisə davam edib-etməyəcəkləri onların diaqnostik qiymətləndirmədə göstərdikləri nəticələrdən asılı olacaq”.

Mənbə: http://www.bolge.info

Dostlarınızla paylaşın!

Bu səhifə 7258 dəfə baxılıb

Yazılmış sərhlər

Müəllif:Qonaq__30947569 (Əlavə edilib: 01.09.2017 02:27:03)
İxtisasdan 23 bal yığan sinif müəlliminə neçə saat dərs verilməlidir?
Müəllif:Qonaq__30836511 (Əlavə edilib: 30.08.2017 14:58:09)
Məktəbdə iki fizika mü
llimi var: mən və direktor müavini. Müavin heç DQ- yə də getmədi. Bir fiika müəllimi də var idi- 65 yaşı oldu- işdən xaric oldu- DQ-dən keçə bilməmişdi. Eşitdiyimə görə müqavilə ilı qayıtmaq istəyir- bu mümkünmü?!

Öz şərhinizi yazın

Bağla
.....