?>
Davamiyyət balınız
Sizin hazırki nikiniz (ləğəbiniz)

“Elektron təhsil” müsabiqəsi iştirakçılarının nəzərinə

“Elektron təhsil” müsabiqəsi iştirakçılarının nəzərinə

Təhsildə informasiya texnologiyalarının tətbiqinə həsr olunmuş “Elektron təhsil” Respublika müsabiqəsinin birinci mərhələsi başa çatıb.
ATV.az-ın məlumatına görə, müsabiqəyə 1313 layihə təqdim olunub. Onlardan 93-ü müsabiqənin şərtlərinə uyğun olmayıb, ümumilikdə isə 1220 layihə qəbul edilib. Layihələrin 744-ü müəllimlər, 438-i şagirdlər, 38-i isə məktəblərin inzibati heyəti tərəfindən göndərilib. Layihələr ümumi mərhələdə müəyyən olunmuş meyarlar üzrə qiymətləndirilmək üçün müsabiqənin Ekspert Komissiyasına təqdim olunub. İkinci mərhələnin nəticəsi və nominantların adları noyabr ayının sonunda elan ediləcək.
Müsabiqə “Müəllim”, “Şagird” və “Məktəb” istiqamətləri üzrə 6 nominasiyada təşkil olunub. Müsabiqənin keçirilməsində əsas məqsəd tədris prosesində informasiya texnologiyalarından fəal istifadə edən müəllimləri həvəsləndirmək və onların fəaliyyətini dəstəkləmək, ən yaxşı elektron tədris vəsaitlərini geniş istifadəçi auditoriyasına tanıtmaqdır.
Həmçinin, internetin imkanlarından (bloqlar, saytlar, sosial şəbəkələr və s.) istifadə etməklə həyata keçirilən yeni tədris üsulları barədə ölkənin təhsil ictimaiyyətini məlumatlandırmaq, müəllimləri tədris prosesində İKT-dən fəal istifadəyə cəlb etmək, tədris məqsədləri üçün İKT-nin tətbiqinin yeni formalarını araşdırmaq, müəllim və şagirdləri elektron resurslar yaratmağa, hazır resurslardan istifadəyə həvəsləndirməkdən ibarətdir.
Günay Məryəm / ATV.az

Mənbə: http://news.atv.az

Dostlarınızla paylaşın!

Bu səhifə 1869 dəfə baxılıb

Yazılmış sərhlər

Müəllif:Qonaq__22662867 (Əlavə edilib: 23.11.2016 13:55:16)
Ishtirak etmek ucun telebe ne haqda layihe hazirlayib teqdim etmelidir? Misal ceke bileriz?

Öz şərhinizi yazın

Bağla
.....