Davamiyyət balınız
Sizin hazırki nikiniz (ləğəbiniz)

Gəncədən olan 13 yaşlı riyaziyyat dahisi ilə tanış olun

Gəncədən olan 13 yaşlı riyaziyyat dahisi ilə tanış olun

Riyazi hesablamada yeni metod tapılıb. Bu xəbərin bizim üçün əhəmiyyətini artıran xüsusiyyəti həmin metodun Azərbaycanda, Gəncədə tapılmasıdır. Amma bu da hələ son deyil. Xəbəri sensasiya səviyyəsinə qaldıran cəhəti odur ki, bu riyazi metodun müəllifi 13 yaşlı yeniyetmədir.     
0 və 5 ilə bitməyən rəqəmlərin ənənəvi beşə bölünmə üsuludan fərqli üsul tapılıb. Bu, daha asan və rahat yoldur. Həmin üsulu 7-ci sinif şagirdi Kənan düşünüb tapıb.  
Milli.Az Kəpəz TV-yə (Region TV) istinadən xəbər verir ki, Kənan Orucov Gəncə şəhər 44 saylı lisey orta məktəbin 7-ci sinfində təhsil alır. Sinfin əlaçısı olan Kənanın riyaziyyat fənninə marağı daha çoxdur. Elə riyazi hesablamada kəşf etdiyi yeni üsul, 5-ə tam bölünməyən ədədlərin 5-ə bölünməsi də onun bu marağının nəticəsidir. Yeddinci sinif şagirdi sonu 0 və 5-lə bitməyən rəqəmləri 5-ə asan yolla bu şəkildə bölür: bölünən rəqəmi 2-yə vurur. Alınan hasilin son ədədini kəsrə ayırır. Kənanın riyaziyyat müəlliməsi Kəfiyyə müəllimə də şagirdinin düşünüb tapdığı üsulu yüksək qiymətləndirir.
Kəfiyyə Məmmədova - riyaziyyat müəllimi: "Adətən biz uşaqlara onluq kəsrlərin bölməsini keçəndə, öyrənmək çətinlik yaradır. Amma vurma əməlini bütün şagirdlər bilir. Kənanın kəşf etdiyi üsul da vurma ilə bölməyə keçid olduğundan, mənə elə gəlir ki, şagirdlər yararlana biləcəklər. Əlverişli üsuldur".
Bəli, həm şagirdlər üçün, həm də riyaziyyata marağı olan istənilən şəxs üçün olduqca asan və maraqlı üsuldur. Kim bilir, bəlkə də Kənanın yeni kəşfi elmi səviyyədə riyazi hesablamaların əsas üsullarından birinə çevriləcək. Təbii ki, vaxtı çatanda...
Milli.Az
Videonu izləmək üçün şəklə klikləyin:

Gəncənin 13 yaşlı dahisinin riyazi hesablamada yeni kəşfi

Mənbə: http://news.milli.az

Dostlarınızla paylaşın!

Bu səhifə 3048 dəfə baxılıb

Yazılmış sərhlər

Müəllif:Qonaq__21905703 (Əlavə edilib: 30.10.2016 21:51:00)
Halal olsun.
Müəllif:Qonaq__18396473 (Əlavə edilib: 11.06.2016 00:44:06)
Gəncə şəhər 44 saylı lisey orta məktəbin 7-ci sinif şagirdi Kənan Orucovun sonu 0 və 5 olmayan ədədlərin 5-ə səmərəli yolla bölməsini yüksək qiymətləndirirəm. Bu sadəcə kəsrin əsas xassəsinə əsasən tətbiq etmək mümkündür. Məsələn 278/5 bu kəsrin surət və məxrəcini 2-yə vursaq 556/10 yəni 278/5=556/10=55.6 kəsrin qiyməti dəyişmir. Kənan istedadlı şagirddi ona uğurlar arzulayıram. O, böyüyəndə riyaziyyatçı olacaq. Aqil müəllim

Öz şərhinizi yazın

Bağla
.....