?>
Davamiyyət balınız
Sizin hazırki nikiniz (ləğəbiniz)

Tələbələrin təqaüdləri ilə bağlı olan sərəncamda nə var?

Tələbələrin təqaüdləri ilə bağlı olan sərəncamda nə var? - 1

Prezident İlham Əliyev “Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında” Azərbaycan Respublikası Prezidentinin 2013-cü il 30 avqust tarixli sərəncamında dəyişikliklər edilməsi barədə sərəncam imzalayıb.

Tehsil.imdövlət başçısının rəsmi saytına istinadən xəbər verir ki, sərəncama əsasən, təhsilin keyfiyyətini yüksəltmək üçün təhsilalanlar arasında rəqabət mühiti yaratmaq, onların tədris prosesində fəallığını artırmaq və təhsilə marağını stimullaşdırmaq məqsədilə "Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında" Azərbaycan Respublikası Prezidentinin 2013-cü il 30 avqust tarixli sərəncamında aşağıdakı dəyişikliklər edilir:

1.1. 1.2-ci və 1.3-cü bəndlər aşağıdakı redaksiyada verilsin:

“1.2. ali təhsil müəssisələrində:

adlı təqaüd alan tələbələrə– 120 manat

magistratura səviyyəsi üzrə:

akademik göstəriciləri 91-100 bal olan tələbələrə- 105 manat
akademik göstəriciləri 71-100 bal olan tələbələrə – 85 manat
akademik göstəriciləri 51-100 bal olan tələbələrə – 55 manat

bakalavriat səviyyəsi üzrə:

akademik göstəriciləri 91-100 bal olan tələbələrə – 95 manat
akademik göstəriciləri 71-100 bal olan tələbələrə – 80 manat
akademik göstəriciləri 51-100 bal olan tələbələrə – 50 manat

1.3. orta ixtisas təhsili müəssisələrində:

akademik göstəriciləri 91-100 bal olan tələbələrə – 50 manat
akademik göstəriciləri 71-100 bal olan tələbələrə – 40 manat
akademik göstəriciləri 51-100 bal olan tələbələrə – 35 manat”.

1.2. Aşağıdakı məzmunda 1-1-ci hissə əlavə edilsin:

“1-1. Azərbaycan Respublikasının ali təhsil və orta ixtisas təhsili müəssisələrində əyani təhsil alan tələbələrə dövlət büdcəsinin vəsaiti hesabına təqaüdlər dövlət sifarişi, dövlət hesabına və ödənişli əsaslarla təhsil almalarından asılı olmayaraq, ümumi orta müvəffəqiyyət göstəricisi nəzərə alınmaqla, fənlər üzrə akademik nailiyyətlərinə görə bu Sərəncamın 1.2-ci və 1.3-cü bəndləri ilə müəyyən edilmiş məbləğlərdə ödənilsin.”.

1.3. 2-ci hissə aşağıdakı redaksiyada verilsin:

“2. Müəyyən edilsin ki, təqaüdlərin ödənilməsi, ali təhsil və orta ixtisas təhsili müəssisələrində ixtisaslar üzrə dövlət sifarişi və dövlət hesabına təhsilalanların sayı saxlanılmaqla, dövlət büdcəsindən təqaüd üçün ayrılan vəsait həddində həyata keçirilir.”.

2. Azərbaycan Respublikasının Nazirlər Kabineti:

2.1. doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə təqaüdlərin təyin olunması və ödənilməsi qaydasını 2 ay müddətində hazırlayıb təsdiq etsin;

2.2. bu Sərəncamdan irəli gələn məsələləri həll etsin.

3. Bu Sərəncamın 1-ci hissəsi 2016-cı il fevralın 1-dən qüvvəyə minir.

Mənbə: http://tehsil.im

Dostlarınızla paylaşın!

Bu səhifə 1207 dəfə baxılıb

Yazılmış sərhlər

Qonaq__14818383 - 27.11.2015
Men bilmek isterdim ki, hansi hallarda teqaud verilmesi dayandirilir? Odenisli esaslarla tehsil alanlar dovlet hesabina tehsil alanlardan yuksek bal toplasa bas verecek bu?
Qonaq__14682318 - 22.11.2015
salam mən bir şeyi bilmək istəyirdim ki mən dövlət sifarişi üzrə təhsil alıram əgər imtahanlarda 51 bal alsam bütün fənlərdən təqaüd verilməsi dayandırılır?
Qonaq__13400980 - 21.11.2015
4-CU QURUPU YAZARSINIZDA ZEXMET OLMASA?
Qonaq__14623007 - 19.11.2015
Allah sizden razi olsun.Tewekkur edirem by qerara gore CENAB PREZIDENTIMIZE.
Qonaq__14525924 - 17.11.2015
Çox sağolun Allah sizdən razı olsun.(Amin)
Qonaq__14331464 - 15.11.2015
cox sagolun cox yaxsi xeberdi allah razi olsun
Qonaq__14526965 - 14.11.2015
Bilmirem, sevinim yoxsa uzulum...Axi men Qafqaz MBA isteyirdim?

Öz şərhinizi yazın

Bağla
.....