Davamiyyət balınız
Sizin hazırki nikiniz (ləğəbiniz)

Azərbaycan təhsilinə nə qədər pul xərclənilir?

Azərbaycan təhsilinə nə qədər pul xərclənilir?

Azərbaycanda gələn il dövlət büdcəsindən təhsil sahəsinə ayrılacaq məbləğ bu illə müqayisədə 2,3 milyon manat və ya 0,1 faiz çox olacaq.

Maliyyə Nazirliyindən Trend-ə verilən məlumata görə, 2016-cı ildə dövlət büdcəsindən təhsil sahəsinə 1 713,5 milyon manat vəsait ayrılması proqnozlaşdırılır. Bu, 2015-ci illə müqayisədə 0,1 faiz çoxdur.

2015-ci ildə dövlət büdcəsindən təhsil sahəsinə 1 711,2 milyon manat vəsait ayrılması proqnozlaşdırılıb ki, onun da 1 692,7 milyon manatının icra ediləcəyi gözlənilir.

Təhsil xərcləri üçün ayrılmış vəsaitin 940,1 mln. manatı və yaxud 54,9 faizi ümumi təhsil xərclərinin, 497,9 mln. manatı və yaxud 29,0 faizi təhsil sahəsində digər müəssisə və tədbirlərin (dövlət sifarişi ilə ali təhsilin maliyyələşdirilməsi, bakalavriat və magistratura pillələri üzrə xərclər və bir sıra dövlət proqramları və tədbirlərin maliyyə təminatı və s.), 157,4 mln. manatı və yaxud 9,2 faizi məktəbəqədər təhsil xərclərinin, 37,2 mln. manatı və yaxud 2,2 faizi ali təhsil xərclərinin 43,6 mln. manatı və yaxud 2,5 faizi orta ixtisas təhsili xərclərinin, 33,7 mln. manatı və yaxud 2,0 faizi ilk-peşə ixtisas təhsilinin, 3,6 mln. manatı və yaxud 0,2 faizi əlavə təhsilin maliyyələşdirilməsinə yönəldiləcək.

2016-cı il dövlət büdcəsində elm, təhsil, səhiyyə, sosial müdafiə və sosial təminat, mədəniyyət, incəsənət, informasiya, bədən tərbiyəsi və digər kateqoriyalara aid edilməyən xərclər üçün 5139,4 mln. manat vəsait nəzərdə tutulub ki, bu da 2015-ci illə müqayisədə 111,2 mln. manat və ya 2,2 faiz çoxdur.

Bütövlükdə həmin sahələr üzrə nəzərdə tutulmuş xərclərin dövlət büdcəsi xərclərinin tərkibində xüsusi çəkisi 31,6 faiz təşkil edəcək ki, bu da əvvəlki illə müqayisədə 7,8 faiz-bənd çoxdur.

2016-cı il dövlət büdcəsində elm, təhsil, səhiyyə, sosial müdafiə və sosial təminat, mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət xərcləri üzrə məqsədli dövlət proqramlarının və tədbirlərin maliyyə təminatı üçün 871,3 mln. manat vəsait nəzərdə tutulub ki, bu da 2015-ci illə müqayisədə 65,0 mln. manat və ya 8,1 faiz çoxdur.

Milli.Az

Mənbə: http://news.milli.az

Dostlarınızla paylaşın!

Bu səhifə 519 dəfə baxılıb

Yazılmış sərhlər

Müəllif:Qonaq__13132022 (Əlavə edilib: 17.09.2015 19:03:22)
Bunun nə qədəri əmək haqqıdır?

Öz şərhinizi yazın

Bağla
.....