?>
Davamiyyət balınız
Sizin hazırki nikiniz (ləğəbiniz)

Tələbə qəbulunda yenilik olacaq

Tələbə qəbulunda yenilik olacaq

“Belə bir təklif var ki, orta məktəblərin buraxılış imtahanlarına salınan 3 fənnin qəbul imtahanlarında təkrarlananmasına ehtiyac yoxdur. Bu məsələ hələlik müzakirə səviyyəsindədir”.
Bu sözləri Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadə bildirib. 
Elnur Nağızadənin sözlərinə görə, TQDK-nın qəbul kampaniyası ilə bağlı həyata keçirdiyi yeniliklər həm ekspertlərlə, həm də TQDK kollegiyasında müzakirə olunur: “Bu mövzu gələcəkdə Prezident yanında Təhsil Komissiyası və Təhsil Nazirliyi ilə də müzakirə olunaraq müvafiq qərar veriləcək. Amma qaydanın 2016-cı ildən, ya 2017-ci ildən tətbiq olunacağı hələlik bilinmir”.
Elnur Nağızadə deyib ki, növbəti ildə gözlənilən yeniliklərdən biri də  rus bölməsi məzunları ilə bağlıdır. Bəlli olduğu kimi, rus sektorunda imtahan verən məzunlar qəbul imtahanlarında iştirak etmək üçün hər il “Azərbaycan dili” fənnindən imtahan verirlər. TQDK rəsmisinin sözlərinə görə, bir il “Azərbaycan dili” fənnindən imtahan verən və “məqbul” alan abituriyentlərə növbəti ildə ali və orta ixtisas təhsili müəssisələrinə müsabiqədə “Azərbaycan dili” fənnindən imtahan vermədən iştirak etmək imkanı yaradılacaq: “Həmin məzunların Azərbaycan dilindən nəticələrinin yaxın 2 il ərzində keçərli olması nəzərdə tutulub”. 


Orta məktəblərdə imtahan fənlərinin sayı artırılacaq
Məlumdur ki, TQDK tələbə qəbulu ilə əlaqədar bu tədris ilində bir çox yeniliklər edib. Xüsusi qabiliyyət tələb edən ixtisaslar üzrə əlavə V qrup yaradılıb, həm V qrupun, həm də orta ixtisas təhsili müəssisələrinin abituriyentləri buraxılış imtahanının nəticələrinə əsasən imtahanda iştirak etmədən tələbə qəbulu üzrə müsabiqəyə qatılmaq hüququ qazanıb. 
Bundan əlavə, buraxılış imtahanlarına xarici dil fənni, xarici dil keçilməyən məktəblərdə isə kimya fənnindən imtahan salınıb. 
TQDK sədri Məleykə Abbaszadə açıqlamalarının birində qeyd etmişdi ki, gələcəkdə buraxılış imtahan fənlərinin sayı yenə artırıla bilər. Beləliklə, nəzərdə tutulan yeniliklərdən biri də ali məktəblərə qəbul imtahanlarında fənn sayının azaldılmasıdır.


Qəbul sınaq imtahanlarının nəticələri üzrə planlaşdırılacaq
Bundan əlavə, növbəti ildən TQDK-nın keçirdiyi sınaq imtahanlarının nəticələri Təhsil Nazirliyinə təqdim ediləcək, bunun əsasında tələbə qəbulu planları tərtib olunacaq. Həmçinin qəbul imtahanlarının nəticələri Təhsil Nazirliyi ilə birgə təhlil olunacaq və ictimaiyyətə açıqlanacaq.
Bu məsələlərlə əlaqədar bu il iyunun 22-də TQDK-nın kollegial iclası keçirilib. İclasda 2016-cı ildən etibarən tətbiq edilməsi planlaşdırılan ali və orta ixtisas təhsili müəssisələrinə tələbə qəbulu modeli geniş müzakirə olunub.


“TQDK imtahan keçirilməsi üzrə yüksək imic qazanıb”
Təhsil eksperti Fəxrəddin Yusifovun sözlərinə görə, bütün bu proseslər buraxılış imtahanları ilə tələbə qəbulu imtahanlarının nəticələrini birləşdirib vahid imtahana keçid ehtimalını doğruldur: “TQDK imtahanların keçirilməsi üzrə yüksək imic qazanıb və artıq orta məktəblərdə də proses bu quruma tapşırılıb. Buraxılış imtahanlarında əvvəllər fənlərin azaldılması baş verib. Perspektivdə isə orta məktəblərdə buraxılış imtahanları üzrə fənlərin sayı artırılacaq və qəbul imtahanına ehtiyac görülməyəcək. Hətta bu məsələ diferensial qaydada da aparıla bilər. Məsələn, şagird var, riyaziyyatdan güclüdür, ana dilindən zəif, yəni texniki təmayüllüdür. Yəqin ki, bu amil də nəzərə alınacaq”. 


“Məktəblərin üzərinə yük düşsə, təhsildə keyfiyyət artacaq”
Yeri gəlmişkən, hələ ötən il Məleykə Abbaszadə bildirmişdi ki, şagirdlərin yaxın gələcəkdə 4-5 fəndən imtahan vermələri nəzərdə tutulur. Bunlardan ikisi “Ana dili” və “Riyaziyyat” fənni olacaq. Qalan fənlər isə TQDK-nın təqdim etdiyi fənlərin sırasından şagirdlərin öz istəyi ilə seçiləcək. Seçilən fənlər Azərbaycan tarixi, Azərbaycan coğrafiyası, biologiya, kimya, fizika olacaq. 
Təhsil eksperti isə bildirdi ki, tələbə qəbulu ilə bağlı baş verən proseslər qabaqcıl təcrübələrin öyrənilib tətbiq edilməsinə zərurət yaradıb. Onun fikrincə, vahid imtahanın tətbiqi orta məktəblərin də nüfuzunu artıracaq: “Məktəblərin üzərinə yük düşsə, təhsildə keyfiyyətə görə məktəb rəhbərliyi məsuliyyət daşısa, bu, təhsilin inkişafına zəmin yaradar. Hazırda orta məktəblərdə təmayülləşmə ilə bağlı proseslər gedir, bu tədris ilində 50 məktəbdə analoji iş aparılacaq. 12 illik təhsilə keçid mexanizmi düzgün tətbiq olunsa, ixtisaslaşma orta məktəblərdə aparılacaq və ali məktəblərdə qəbul imtahanına ehtiyac qalmayacaq. Bütün bunlar isə təhsildə ümumi işin xeyrinədir”. 


Sevil Hilalqızı

Mənbə: http://teleqraf.com

Dostlarınızla paylaşın!

Bu səhifə 4743 dəfə baxılıb

Yazılmış sərhlər

Qonaq__24476217 - 25.01.2017
Uwaqlari gunu gunde daha cetin veziyete salirlar her gun bir qayda cixarirlar yalan guya tehsil inkisaf elirler daha bu yaziq uwaqlar nedi bunlar ucun robot zaddi?
Qonaq__20393499 - 10.09.2016
Azerbaycanda Telebe qebulu Russiyada ki kimi olsa ureyimce olar 5 fendi bir gunde dusuney heqiqetende bir gec ucun cox heyacan ve sixintidi elemek olar ki bir gun Ana Dili imtahani olsun bir nece gunden sonra Riyaziyyatdan
Qonaq__19067298 - 16.07.2016
Tehsil get gede yoxa cixir savadsiz usaqlar yetisdirilecek Ehhhhhhhhh
Qonaq__13327530 - 30.09.2015
Hardasan esl tehsil?
Qonaq__13347671 - 26.09.2015
Çox təəssüf...Əgər deyildiyi kimi olsa onda tədrisin keyfiyyəti nəinki məktəblərdə,hətta ali təhsil müəssisələrində belə sıfra enəcək.Savadsızlıq baş alıb gedəcək.Riyaziyyat üzrə buraxılış imtahanına düşən suallar həddindən çox sadədir.Və bu suallara cavab yazmaqla İnstituta qəbul olmaq ən azı savadlı,oxuyan şagirdlərə qarşı haqsızlıqdır...
Qonaq__13201076 - 19.09.2015
Gündə bir qanun çıxarırlar.Guya ki, yaxşı olacaq.Amma əvvəlkindən də pis olur
Qonaq__13179466 - 18.09.2015
Bes xarici dil fenninden imtahan olmayacaq?
Qonaq__13163124 - 17.09.2015
milletin axiri hara gedir ehhh(
Qonaq__13151580 - 16.09.2015
Əgər qəbul imtahanı yerlərdə buraxılış imtahanlarının nəticələrinə əsaslanarsa ora uzanan əllər çoxalacaq.Çünki bura vətəndir.
Qonaq__12561168 - 16.09.2015
salam bu il 9 un buraxlış imtahanına fen elave olunacaqmı
Qonaq__13130074 - 15.09.2015
Burda vur hissə nəzərimi çəkdi, beləki deyirlər ki buraxılış imtahanında olan fənlər qəbulda təkrarlanmayacaq. Yaxşı bir qəbulda verilən Azərbaycan dili suallarına baxaq birdə buraxılış imtahanındà. Səviyyə baxımından fərqli şeylərdir.

Öz şərhinizi yazın

Bağla
.....