Pəhriz və aclıq hansı fəsadları törədir?

02.05.2014
Qarışıq
320

Müasir zamanda pəhriz saxlamaq adi bir hala çevrilib. İnsanların az hərəkətli işlərdə işləməyi onlarda piyin yığışmasına səbəb olur. Bu da hər bir kəsi narahat edir. Daxili orqanların piylənməsi onun qeyri stabil işləməsinə səbəb olur. Bu səbəbdən, kompüterləşdirmə inkişaf etmiş böyük şəhərlərdə trenajor və aerobika zallarının sayları çoxalır. Bu zallara getmək hərdən ya maddi, ya da vaxt cəhətdən mümkün olmur. Öz bədəninin gözəlliyinə çox fikir verən xanımlarımız isə hərdən lap həddini aşaraq aclıq edir. Amma həmin insanlar bunu da bilməlidir ki, ....

Bəzən bu aclıq məcburi (yemək yoxluğu səbəbdən)

Pəhriz və aclıq hansı fəsadları törədir? - 2

bəzən isə bilərəkdən (bədən quruluşuna görə) olur

Pəhriz və aclıq hansı fəsadları törədir? - 3

BBC.co.uk saytı bununla əlaqədar bəzi məlumatları dərc edib.
Ekspertlər bədənin daha çox iki həftə mərhələsindən sonra desinteqrasiya etdiyini bildirirlər.
Britaniya Qidalanma Assosiasiyasından Kathy Cowbrough deyir ki, susuz aclıq aksiyası edənlər 8-10 gündən sonra susuzluqdan ölür. Su içənlər isə 60 günədək sağ qala bilər.

İlk günlər

İlk 1-2 gün ərzində bədən mövcud enerjisini istifadə edir. Bədəndəki qlikogen (orqanizmin enerji deposu), daha sonra isə piy bu müddət ərzində istifadə olunur.
Aclıq edən şəxsin dərisi rəngini itirməyə başlayır və ağızdan iy gəlməyə başlayır. Tüpürcək ağızdakı bakteriyaları təmizləyir, aclıq edəndə isə bədən tüpürcəyi yemək vaxtınadək qorumağa çalışır.
Baş ağrısı və enerjisizlik hiss olunur.
İlk günlərdə aclıq hissi güclü olsa da, bədənə ciddi təhlükə yoxdur.

3-7 gün

3-4 gündən sonra güclü aclıq hissi keçməyə başlayır.
Bu günlərdə bədəndəki qlükoza ehtiyatı da tükənməyə başlayır.
Bədən aclıq faktını "qəbul edəndən" sonra özü-özünü yeməyə başlayır: bədən enerji üçün piydən, daha sonra isə əzələlərdən istifadə etmə prosesinə keçir. Nəticədə çəki itirilir.
Amma bu proses üçün istehsal olunan, keton adlanan piyli turşu yüksək sayda olarsa, orqanizmə ziyandır.
Aclıq barədə kitab yazan Sharman Apt Russell-ın sözlərinə görə, bu ilkin mərhələdə ən böyük təhlükə təzyiqin aşağı olmasıdır. Bu, huşunu itirib başını vurmaqla nəticələnə bilər.
Amma su qəbul etmədən aclıq edən şəxs bu müddətdən sonra ölə bilər.

İkinci həftə

Enerji üçün qara ciyər və ürək kimi orqanlar istifadə olunmağa başlayır.
Bütün bu faktlar insanın bədənindən asılıdır. Məsələn, bədəndə nə qədər çox piy olsa, bir o qədər də çox aclıq edə biləcək.
Aclıq, sağlamlıq problemləri olan şəxslərdə təsirini daha da çox göstərir və bu problemləri kəskinləşdirir.

3-4 həftə

İki həftədən sonra aclığın doğurduğu simptomlar daha da kəskinləşir və səhhətdə ciddi problemləri əmələ gələ bilər.
Əzələ atrofiyası, yəni əzələlərin itirilməsinə görə adam daha da zəifləyir, tərpənməkdə, hərəkət etməkdə problemlər yaranır. İnsan öz hərəkətlərini idarə etməkdə çətinlik çəkir.
Ürək döyünməsi ritmi azalır (bradikardiya) və aclıq edən şəxs üşüyür. Tiamin vitamini (B1 vitamini) qıtlığı təsirini göstərməyə başlayır.

4-5 həftə

Tiamin vitamini qıtlığının təsirləri ciddiləşir.
Gözlər öz-özünə tərpənməyə başlayır, aclıq edən başgicəllənmədən və cüt görmədən əziyyət çəkir.

6 həftədən çox

Aclıq insanın həyatını təhlükə altına qoyur. Beyində problemlər yaranır və aclıq edən şəxs çox vaxtı huşsuz və rabitəsizdir.

Pəhriz və aclıq hansı fəsadları törədir? - 4

Bədən bütün vitamin və mineralları sərf edəndən sonra sarılıq və sinqa xəstəlikləri əmələ gəlir.
Bəzi adamlar eşitmək və görmək qabiliyyətlərini itirir.
Altı həftədən çox aclıq edənlər ürək çatışmazlığına görə ölə bilərlər. Bəzi hallarda ölüm, bədəndəki toksinlərin çoxluğuna görə də baş verə bilər.
Bu məlumatları yeməkdən imtina edən şagirdlərin nəzərinə çatdırmaq üçün yerləşdirmişik.