İzahlı lüğət

İKİ miqd. s. 1. Birdən sonra gələn ədəd 2. Iki dəfə iki. Dörddən iki çıxmaq. // Miqdarca iki bildirir. Iki kitab. Iki otaq. Iki qardaş. Iki yoldaş. - Söhbətin bu yerində çayçı Qurban iki stəkan limonlu çay gətirdi. H.Nəzərli. [Rəşid:] [Bəyim xala] cəmi-cümlətanı iki kərə mənim suallarıma bir qədər təfərrüatla cavab vermişdi. İ.Hüseynov. dan. Bir neçə, çox az mənasında. Iki sözü bir-birinə qoşa bilmir. Iki kəlmə ilə başa salmaq. Iki dəqiqə vaxtınızı alacağam. [Qəhrəman:] Iki dəqiqə keçməmiş .. otaqdan əvvəlcə dəhşətli və sonra zarıltıya çevrilən bir səs eşitdim. H.Nəzərli. Beşballı sistemdə şagirdin, tələbənin müvəffəqiyyətini göstərən nömrə; “pis”. almaq. Heç 2-yə cavab verə bilmədi. □□ İki ayağını bir başmağa təpmək -bax iki ayağını bir başmağa dirəmək (“ayaq’da). [İbad:] Deyir, bəs dünən [Almaz] iki ayağını təpmişdi bir başmağa? Cabbarlı. İki bədəndə bir ürək - sevgililər haqqında. İki cüt bir tək - çox az. İkidə bir - yarı. İki daşın arasında - çox namünasib vaxtda, tələsik. İki gözü - ən əzizi, ən istəklisi. İki gözünü bir deşikdən çıxartmaq - bax gözünü çıxartmaq 1-ci mənada ("göz”də). [Gülsənəm:] [İmran] əgər görsə ki, biri camaata ziyan verir, onun iki gözünü bir deşikdən çıxarar. M.Hüseyn. İki güləşənin biri yıxılar məc. - çəkişən, vuruşan iki tərəfdən birinin məğlub olması mənasında. [Kim isə:] Iki güləşənin biri yıxılacaq. M.Hüseyn. İki könül bir olmaq -birləşmək, sevişmək mənasında. Əzizim, dalda yeri; Yel tutmaz dalda yeri; Iki könül bir olsa; Tez tapar dalda yeri. (Bayatı). İki yanına göz gəzdirmək - hər tərəfinə, ətrafına baxmaq. Xəlil iki yanına göz gəzdirdi. M.Hüseyn. İkidə-birdə - tez-tez. İkidənbirdən - heç (bir şeyin, hadisənin olmadığını bildirir). Ikidən-birdən sizə gələnəm? [Kərbəlayı:] Adə, ikidən-birdən qəzet alanam? M.Hüseyn. Heç ikidən-birdən gəlib deyibsənmi ki, Zərəfşan, Kərim dayının haqqında belə deyirlər, nə qayıraq?.. İ.Hüseynov. iki-iki zərfi 1. Hər birinə, yaxud hər dəfəsinə iki. Iki-iki alma vermək. Iki-iki düzmək. Iki-iki ayırmaq. İkisi yan-yana, ikisi bir yerdə, birgə, bərabər. Iki-iki durmaq. Iki-iki oturmaq. iki... - bu sayla əlaqədar olan bir sıra mürəkkəb sözlərin birinci tərkib hissəsi; məs.: ikibaşlı, ikimotorlu, ikiotaqlı, ikiyerli. Paylaşın - Hamı bilsin Sual və cavabı bəyəndinizsə "Bəyən" və ya "Like"düyməsini tıklayın!