Sirr deyil ki, Sizlərdən çoxu internetdən mükəmməl istifadə edə bilir. Bəzən internetdə digər bir məlumatı axtararkən, bizlər şagirdlərə faydalı ola biləcək məlumatlar taparıq. Bunlar adətən ingilis və ya rus dillərində olurlar. Amma Azərbaycan dilində belə məlumatların yox səviyyəsində olmasının səbəbi bizlərin bu məsələyə biganə olmağımızdır.
Bizim bir təklifimiz var!
Əgər Siz Rus dilindən Azərbaycan dilinə tərcümə edə bilirsinizsə (şərt deyil ki, professional tərcüməçi olasınız), bizə məktub yazın və tərcümə kollektivinə qoşulmaq istədiyinizi bildirin. Biz Sizə uyğun olan mətni göndərəcik. Sizə asan olsun deyə biz Sizə Rus-Azərbaycan tərcümə saytının adresini də verəcik. Qismən orada tərcümə edəndən sonra, Siz qalan hissəsini tərcümə edərək bizə göndərin. Onu yoxladıqdan sonra, biz mətni saytımızda yerləşdirəcik və tərcümə edən müəllif kimi Sizin adınız və soyadınız yazılacaq. Məktublarınızı gözləyirik!
